طريقة تحضير بتي بان بطريقة المسمن المغربي روعة

طريقة تحضير بتي بان بطريقة المسمن المغربي روعة نخليكم مع المقادير بلى منطول علكم

المهم كنحتاجو فالمقادير البتي بان
الدقيق 500 غ
ملعقة كبيرة خميرة الخبز
خمس ملاعق كبيرة سكر
ملعقتان كبيرتان من الزبدة ذائبة
بيضة
كيس من الفاني
ملح
ماء دافئ للعجن
للتوريق
زبدة ذائبة
للحشو
شكلاط

طريقة تحضير بتي بان بطريقة المسمن
كنجميعوا المكونات بالماء حتى كنحصلو على عجينة متماسكة وتكون شوية مشدودة بحيت تصير رخوة مع التدليك
ثم نقسمها من 9حتى 10 كويرات ونتركهم حتي تولي العجينة مرخية شوية
ثم كنشكلهم بحال المسمن وقبل مطوها ادهنيها بالزبدة
ومن بعد نعاود و نبسطوها ثم نطويوها و تكون رقيقة باش تجي خفيفة وهشيشة
نقسموها على جوج ولا ثلاثة; و تحشى بالشكلاط و نلفوها على نفسها
توضع في صفيحة مدهونة بالزبدة او زيت وابقى تختمر
من 30 الى 45 دقيقة ثم ندهنها باصفر البيض المخلط مع القليل من نسكافي المذوبة في ملعقة من الماء
ندخلوها للفرن المسخن على 190 درجة
و بالصحة و الراحة نتمنى تعجبكُم و تجربوها فهاد رمضان المبارك إن شاء الله نتمنى تعجبكم

المصدر : https://www.onotah.com/?p=5282