كيف نخفي الهالات السوداء والانتفاخات الموجوده تحت العين بالمكياج

طبعا المشكله دي عند كثير من البنات و السيدات و المشكله الاكبر انه في بعض الاحيان بتزودوا شكل الهالات السوداء و الانتفاخات مش بتخفيها ولا بتخففيها , خلوني اساعدكم 

طبعا اللي بنستخدمه في اخفاء الهالات السوداء هي الكونسيلر لكن لازم نختار اللون الصح و نوزعه كمان جيدا , قبل اختيار اللون لازم انظر جيدا علي الهالات اللي عندي هل قويه جدا و لا خفيفه و لا عاديه و لا ايه

اضع اولا كريم الاساس اللي لازم يكون مطابق لون بشرتك و بعد كده اشوف ثانيا الهالات هل هي مازالت قويه جدا و لا خفيفه و لا عاديه ….. الخ لان ممكن في بعض الاحيان كريم الاساس بيكون كافي

لو الهالات السوداء مازالت قويه جدا لازم اختيار لون الكونسيلر يكون اغمق او لو بشرتك كده هتخفيها تماما لو الهالات عاديه نختار لون كونسيلر افتح ¼ درجه او ½ درجه

لازم دائما زي ما نركز في درجه اللون لازم نركز في ضي اللون و ده بنعرفه من الضي لو بشرتنا ممكن يكون مصفر علي زيتوني علي روز ….. الخ 

الكونسيلر شراءه صعب لان ممكن تكوني اختارتي اللون الصح علي حسب الهالات اللي عندك لكن ضي اللون غلط علشان كده شكل الهالات بتفضل زي ما هي او اوحش 

علشان اسهل عليكم اختيار اللون اختاري لون كريم الاساس الصح و الضي الصح لان ده بيكون اسهل عليكي و الوان كريمات الاساس اكثر بكثير من الكونسيلر اختيار لون كريم الاساس بيكون علي حسب لون بشرتك في اضاءه طبيعيه بعد ما نشتري كريم الاساس اختيار لون الكونسيلر سواء افتح او اغمق علي اساس لون كريم الاساس بتاعك ده هيكون اسهل بكثير 

اما بالنسبه للانتفاخات انا افضل ان لا نضع كونسيلر ابدا الا اذا كنتي محتاجه درجه اغمق او نفس لون بشرتك لان لو وضعنا كونسيلر فاتح هيزود الانتفاخات و يبرزها اكثر او ممكن لا نستخدم كونسيلر ممكن نضع كريم اساس علي البشره و العيون و نرجع نعيد ثانيا علي العيون بكريم الاساس 

لازم التوزيع كمان يكون سليم و نضع كريم العين و النهار اولا و بعد ذلك نضع كريم الاساس و نوزعه جيدا بالاسفنجه ثم بالاصابع نضع الكونسيلر كميه قليله جدا ثم نزود قليلا قليلا و نوزعه حتي يبان طبيعي ثم نضع البودره المفرطه علشان يثبت 

لو عملتي بكل الخطوات دي صدقيني هتخفي الهالات تماما و الانتفاخات شكلها هتكون اقل