مرجع لكل شيء يوكل و يشرب يبيض ويجمل البشرة والشعر تفضلوا
المهم إننا نجمعها في هذا الموضوع ويكون مرجع لنا ونبي تعاون ونبي أشياء طبيعية فهمتوا ما نبي حبوب وابر التبييض وخرابيط فاضيه …
راح ابدأ أنا باللي أعرفه واللي جمعته ……
سمعت عن :
الزعفران ( شرب ) يبيض ما ادري كيف طريقته ؟ بس أتوقع يخلط مع حليب
حليب النوق( شرب ) يبيض بس انتبهوا لازم نظيف ومن مكان تعرفونه
سمن الغنم( شرب ويكون مع حليب أو عصير ) يبيض بس انتبهوا لازم نظيف ومن مكان تعرفونه
حليب طازج مع سكر( شرب على الريق ) يبيض ويورد الخدود
ماء دافئ مع ليمون( شرب على الريق ) يصفي الوجه والعين لأنه ينظف الكبد والكلى وهذا الشيء يبين في بشرتك
خميرة البيرة وليست الخميرة العادية فيه فرق !( شرب أو حبوب ) تصفية البشرة وتحسين الشعر والأظافر
زيت كبد الحوت ( نفس الخميرة )
زيت زهرة الربيع ( نفس الخميرة )
زيت جنين القمح (نفس فوائد فيتامين أ )
ملاحظة / طبعا هذي الزيوت تحوي فيتامينات كثيرة وزيادتها تسبب أمراض بالجسم لذا يجب الحذر عند الاستخدام
جنين أو رشيم القمح( أكل ) يقوي الشعر ويفتح لون الجلد
القمح كامل( يعتبر كرتيزون طبيعي أكل أو شرب وله طرق كثيرة) يسمن
زيت الزيتون( شرب على الريق ) يبيض ويحسن لون البشرة مو متأكدة من المعلومة ؟! بس يخفض الكوليسترول
الفواكه والخضروات عموما( شرب أو أكل ) تحسين البشرة والشعر
الكراث( أكل ) يكثر الشعر ويحمر الخدود
البصل والفجل( أكل أو شرب ) يبيض و يقوي الشعر وفيه خلطة زين الاتات للتبييض وهي (فنجان قهوة عصير فجل – كأس لبن سائل – ملعقة خل تفاح ( تخلط في الخلاط وتشرب مره يوميا . ( ملاحظة يوجد فجل حار وفجل بارد أحمر وأبيض مدري وش المقصود ؟) أتوقع المقصود الفجل الأحمر
السفرجل( أكل ) تجمل الوجه وتحمر الخدود
اليقطين ( نفس السفرجل )
بطاطس نيئ( شرب أو أكل ) يسمن الوجه
البقدونس( أكل على الريق أو شرب عصير بقدونس ) يبيض البشرة ويصفيها وينحف الجسم ويخفض الكوليسترول
عصير برتقال مع جزر( شرب على الريق ) يصفي ويحسن اللون
التمر( أكل ) على الريق تصفي الوجه وتنوره وتكبر الخدود
دبس التمر ( نفس التمر ) ويسمن
العسل ( نفس التمر )
غذاء الملكات ( نفس التمر )
عرق سوس( شرب ) (مثل القمح كرتيزون طبيعي بس أقوى مفعول : لوجود حمض الجلسرهيزيك وهو نفس تركيب الكورتيزون ولكن طبيعي أي بدون أضرار جانبية ) وشربه بعد الأكل يسمن ويزيد من الضغط ( اللي عندها ضغط لا تشربه )
الحلبة ( شرب أو أكل ) يبيض ويصفي البشرة ويسمن
ماء الورد( شرب على الريق ) يصفي ويورد الوجه
بالنهاية أقول إني غير مسئولة عن استخدام هذي الأشياء وأنا جمعتها وبس فاللي تبي تجرب هي تعرف نفسها واللي عندها مشكلة عضوية قبل لا تستخدم شيء تسأل الدكتور قبل تجرب ok
بكرا تجي وحدة تقول شربت فجل ومدري وش جاني بمعدتي مالي دخل ولا تشرب عرقسوس ويزيد ضغطها بعد مالي دخل وبعض الأشياء فيها فيتامينات عالية انتبهوا قبل لا تستخدمون شيء فأنا ما انصح بهن ولكن جمعتهن للفائدة وكل وحدة تاخذ اللي يصلح لها وتسأل وتبحث قبل لا تجرب شيء .
المصدر : https://www.onotah.com/?p=1772
