معلومات عن الكيراتين و البروتين و المسميات الاخري
– الكيراتين عباره عن ماده لزجه عندما نضعها علي الشعر و بنعملها بالفلاتر و نعيد عليها كذا مره بتمسك في الشعر و بتغلفه فبالتالي بتفك شويه الكسره و تلمعه و تغلف التقصيف
-الضرر في الكيراتين بياتي من استخدام الفلاتر كذا مره علشان يمسك و يغلف الشعر
–الكيراتين بيغلف الشعر فيعطي شكل حلو للشعر من تهدئته للتقصيف و الهيشان
-لو عملتي كيراتين و شعرك اتفرد تماما و بدء بعد فتره يطلعلك الجذورمجعده اعرفي ان اضحك عليكي و ده بيكون كيراتين مخلوط بكريم فرد او كريم فرد من الاصل لان الكيراتين عباره عن تغليفه للشعر المفروض تتفك بالتدريج و يرجع شعرك كله كما كان
-لايوجد شيئ اسمه كيراتين مدي الحياه
-لايوجد شئ اسمه كيراتين معالج و اخر بيغذي و اخر بيفرد الكيراتين كله واحد و هو يعطي شكل جمالي للشعر زي الصبغه و زي ما المكياج بيجمل شكلنا
– الكيراتين و الكولجين و الموركين و البروتين و المسميات الاخري كلهم يندرجوا تحت الكيراتين و بيعملوا نفس الشئ بس مكوناتهم مختلفه و كلهم زي بعض
-اكيد لما نسبه الفورمالين بتزيد بيكون ضرر علي الشعر اكثر
-دائما لا تشتري الكيراتين ماركاته كثيره و هتحتاري فيهم مفضل نروح لكوافير كويس لديه منتجات جيده نعمله عنده و اكيد صعب ان تعمليه في البيت لوحدك
-لو عملتي كيراتين لازم تغيري الشامبو و البلسم بتاعك لان الماركات العاديه بتفك الكيراتين
-خلي بالك من ماء البحر و حمام السباحه لانه بيفكه اسرع
-لو عملتي كيراتين قللي من عمايل الشعر علشان لا تهلكي الشعر
-بلاش تجعلي الكيراتين شئ دائم في حياتك بمعني اول ما يفك تعملي تاني لان لو شعرك كويس علي المدي الطويل هيتعب
-لو هتعملي صبغه و كيراتين مفضل الصبغه اولا و بعد كده الكيراتين
-الكيراتين الجديد بنعمله في يوم واحد مش زي زمان نتركه علي شعرنا بالثلاث ايام
في النهايه عاوزه اقلك انا مش ضده و لا معاه عاوزاكم تفهموا ان اللي هتعمليه في شعرك ده شئ تجميلي و ليس علاج اذا كان شعرك كويس و يستحمل ومحتاجاه اعمليه و لكن لا تكثري منه
