كل المصطلحات المفروض تكون مكتوبه علي كريمات الروتين اليومي

كثير منكم لحد دلؤتي بيتلخبطوا عند شرائهم للروتين اليومي مع انكم عارفين الخطوات كلها لكن بتتلخبطوا من المكتوب علي العبوات انا هحاول اقولكم علي المصطلحات او المسميات اللي بتكون مكتوبه علي العبوه 

اولا:- الغسول اي اللي بنغسل به الوجه بدل من الصابون ممكن يكون مكتوب علي العبوه رغوه , رغوه بماء , منظف , او منظف بماء ,غسول او Foaming cleanser او Foam او Facial Wash ولو قرأتي المكتوب علي العبوه من الخلف هتلاقي طريقه الاستخدام لازم تكون بماء 

ثانيا :- التونك اي اللي بيقبض المسام ده له اسمين فقط تونك او تونر و دائما بيكون سائل 

ثالثا :- كريم العين ممكن يكون مكتوب عليه كريم عين جل للعين , كريم للمنطقه التي حول العين او Eye gel او Eye cream او Eye serum و دائما العبوه بتكون صغيره و لو قرأتي خلف العبوه هتلاقي مكتوب للمنطقه اللي حول العين 

رابعا :- كريم النهار و ده بيكون مكتوب عليه كريم نهار حمايه 15اوكريم مرطب حمايه 15او كريم نهار او مرطب لو قرأتي خلف العبوه هتلاقي مكتوب يحمي من اشعه الشمس الضاره اي UVA Rays UVB او Day cream SPF15 او Moisturizing cream SPF15 ولو لاقيتي كريم النهار او المرطب للبشره بدون حمايه ممكن نضع فوقه العازل بس نتاكد انه كريم نهار لبشره الوجه و طبعا مطابق نوع بشرتك 

خامسا :- كريم الليل و ده طبعا بنضعه قبل النوم للتغذيه طوال فتره الليل بيكون مكتوب عليه كريم ليل او كريم مغذي او كريم مجدد للخلايا Night cream او Nutrition cream او اي مصطلح يبين التغذيه القويه او الفيتامينات 

متهيئلي كده حاولت اساعدكم علي قد ما اقدر علشان تعرفوا تشتروا الكريمات الصح