طرطة فريز لذيذة بالصور
طريقة تحضير طرطة بالفريز
مقادير طورطة بالفريز
مقادير الجنواز
5 بيضات+125 غ سنيدة+125غ دقيق+1فاني+نص خمارة
السيرو
كاس ونص من سنيدة+2 كيسان ونص من الماء نحطوهم فوق النار يغلاو ويبقى لينا قياس كاس ونصف ونحيدوه
بالنسبة للجنواز
نطربو البيض وسنيدة وفاني مزيان حتى نحصلو على كريمة ونضيفو الدقيق والخمارة ونطيبوها
منين نخرجوها نسقيوها بسيرو
بالنسبة لاموس ديال الفريز
غنحتاجو 1 باكية من شانتيي +ربع لتر من الحليب+4 اوراق من الجلاتين+250غ الفريز مقشر+100غ سنيدة
نطلعو الكريم مع الحليب وندخلوها تلاجة
ناخدو الفريز نطحنوه مع السنيدة ونديروه فوق النار حتى يسخن نزيدوليه جلاتين (من بعد ما نكونو رطبناها فالماء وعصرناها)
ونخليوه حتى يبرد ونضيفوه على الكريم شانتيي ونعاودو نطربو حتى نحصلو على لاموس ونخويها من فوق الجينواز وندخلها لمجمد
كلاصاج الفريز
100غ من الفريز مقشر ومطحون مع 2 معالق سنيدة +2 اوراق جيلاتين نرطبهوم فالماء
نديرو الفريز يغلى شوية فوق النار ونحيدوه ونزيدو عليه اوراق جيلاتين من بعدما نعصرهم ونحركو كولشي مزيان نخليوه يبرد
و نخرجو الطورطة ونخويو فوق منها الكلاصاج
وزينوها حسب الدوق ديال كل واحدة ودخليها التلاجة حتى تبرد وقدميها انا زينها هكدا
المصدر : https://www.onotah.com/?p=60
