اللي بغات سنيناتها يبياضو دخل هنا

لبنات انا ف ساراحا متابعا هاد لموقع بزاف و كايعاجبوني لمواضيع، و كلت حتا انا علاش مانشاركش،

بلا مانطول عليكم، انا عندي واحد الوصفة كانت كاديرها واحد صاحبتي فرنسية ل سنانها و ف صاراحا كايشعلو بلبياض، وانا مسيكينا سنيناتي كاع صفارو ليا بهاد ل كالكير لي كاين فلما واخا كانغسلهوم ولكن ماكايناش نتيجة و حاشاكوم كانخاف من طبيب باش نمشي و نقيهم ههههههههه، ل مهيم هاد لوصفا هيا كاتباع فالصيدلية ه واحد لما سميتو EAU OXIGENE

هي كادير Volume 30

ولكن انا فاش مشيت سولت كالت ليا هاديك لي فالصيدلية بلي قاسح عليا حيتاش اول مرة غنديرو، عطاطني غير ديال Volume 10

Cotton tige كايدير 24 درهم. لمهم خديتو و جيت فرحانا بغيت غير ايمتا نجربو، ايوا يا لالة كاتاخدي

و كاديري فيه داك لما و كاتبقاي تمسحي ف سنيناتك ولكن من قبل غتكوني غسلتيهوم مزيان، ولله مانكدب عليكوم يلا ملي انا كانمسح بداو كايبانو ليا نقاطي بيضين ف سناني يعني كيتنقاو و صفوريا بدات كاتحيد من اول استعمال، انا كانديرو كل نهار و والله حتى بانت ليا نتيجة و سناني بداو كايبياضو و كلت علاش لا مانشاركش هادشي معاكوم واخا غير ندي معاكوم شي دعيوة زوينة، ربي لاما دعيو معايا يكمل عليا بلخير انا و خطيبي و نتجمعو باراكا علينا من لعزوبية، موآآآآآآآاح عليكم