حلوة الشكلاط بالكويغطات برستيج
مقادير حلوة الشكلاط بالكويغطات برستيج
200غ الشكلاط الأسود
200غ جبن أبيض
100غ كاوكاو محمر و مهروش
100 فرميسيل الشكلاط
هنا استعملت نصف المقادير
للتزيين:
عجينة اللوز
ملون أخضر بنكهة البيسطاش
بودرةالملمع الغدائي brillant alimentaire
طريقة تحضير حلوة الشكلاط بالكويغطات برستيج
ندوبو الشكلاط فحمام مريم
نزيد عليه الجبن و نخلط
و نزيد كاوكاو مهروش و نخلط
كنحصل على هاد الخليط نغطيه ببلاستيك غدائي و ندخلو للثلاجة لمدة 1 ساعة
ندهن يديا بالزيت ونعمل من الخليط كويرات صغار ندوزهم فالفرميسيل
للتزيين استعملت عجينة اللوزعلى شكل وريدات و فراشات
أول حاجة كنطلق العجينة د اللوز فوق بلاستيكة و إلا كانت تلصق نرش شوية السكر كلاصي
بالفرشاة كندهنها ببودرة الملمع الغدائي brillant alimentaire هنا استعملت الفضي
نقطعها بمرشم الفراشة الصغير
نحضر ورقة على شكل مروحة بحال كيف كنا نعملو ملي كنا صغار باش نتبردو فالصهد هههههههه
نحط الفراشات اللي حضرنا من عجينة اللوز بالطريقة اللي باينة فالصورة و نخليهم حتى يبسو مزيان هكدا غنحصلو على فراشات فوضعية الطيران
هاد العملية ممكن تديريها يومين أو 3 أيام من قبل
نحط الفراشات اللي حضرنا من عجينة اللوز بالطريقة اللي باينة فالصورة و نخليهم حتى يبسو مزيان هكدا غنحصلو على فراشات فوضعية الطيران
هاد العملية ممكن تديريها يومين أو 3 أيام من قبل
نزين بالفراشات و الورود اللي حضرتهم بنفس العجينة و إن شاء الله نصور ليكم الطريقة مرة أخرى
أما الأوراق لونت جزء من عجينة اللوز بملون بنكهة البيشطاش و قطعتها بمرشم الورق الصغير
أما الأوراق لونت جزء من عجينة اللوز بملون بنكهة البيشطاش و قطعتها بمرشم الورق الصغير
المصدر : https://www.onotah.com/?p=724
