فقاص صغير حلو بالصور
مقادير فقاص صغير حلو بالصور
3 بيضات
كأس زيت
كأس ونص حليب
كأس ونص سنيدة
قبيصة الملح
كيس خميرة الحلوى
كيس فاني
دقيق حسب الخليط
طريقة تحضير فقاص صغير حلو بالصور
نوضعو الكل في قصعة ونبداو نضيفو الدقيق شوية بشوية
حتى تجمع العجينة
نقسموها على 3
الكرة الاولى نضيف ليها شوية لكركاع و اللوز محمرين في لفران ومهرمشين
و الثانية نضيفو ليها شوية النافع و حبة حلاوة
و 3 نقسموها ل 2 كرات وحدة تبقى بيضاء و الثانية نضيفو ليها شوية لكاكاو وشوية الشكلاط محكوك
الشكل الاول نعملو منو حريبلات رقاق نوضعوهم في بلاطو مفرش بلبلاستيك الغذائي
الشكل 2 ندوزو كل حربل في الزنجلان
الشكل 3 كنطلقو العجينة البيضاء بين 2 بلاستيكات
نطلقو عجينة لكاكاو بين 2 بلاستيكات نهزوها بلبلاستيك نوضعوها فوق العجين الابيض باش تسهال علينا العملية
نبداو نلويو غي لقياس و نقطعو بلموس و نرقو الحربل حتى نحصلو على حريبلات رقاق
ندخلو الحرابل للمجمد مدة 2 او 3 ساعات نبداو نخرجو ب 3 حرابل ونقطعو بلموس حتى نساليو الكمية اللي عندنا
هذا الشكل الاول
الشكل الثاني
الشكل الثالث
ندخلوهم لفرن يكون سخون من قبل نقصو عليهم لعافية غي يصفارو شوية ونخرجوهم
ثم نقدمو الفقاص صغير حلو
المصدر : https://www.onotah.com/?p=1426
